* قلب الملايكة *
....................
*قلبك قلب الملايكة
وعنيكي دي الحنان
ياروح جوايا ساكنة
يا دنيا من الأمان
بعشق فيكي حكايتي
وارسم وياكي صورة
الشوق فيها بدايتي
وأخرها عيون مسحورة
*حبك علمني أدوب
واطير وسط السحاب
شافك قلبي يادوب
في الحب راح وداب
وإتاخد منه حبه
لا دا إتاخد كتير
يهديك يا قلبي حبه
دا الحب عليك كبير
تايه ف الحب مني
وروحي مش معايا
لحظة ما شوفتك إنتي
ما أعرفش إيه الحكايه
قلبي سكنه هواكي
ولا حاسس مرة بيه
راح مني إزاي معاكي
طب حافظي لي عليه
مخلوق قلبك عشان
الروح تعيش أه ليه
يا وردة من الحنان
أنا نبضه ساكنه فيه
إنتي الحب الاكيد
وإنتي زمن السعادة
وإنتي المخلوق وحيد
مالهوش تاني إعادة
#كرم ميخائيل
تعليقات
إرسال تعليق