متجرحنيش
جاني بعد شوق وسنين عذاب
جاني بعد كم سنه م الغيــــاب
بيقــولي عيش وإنساني فيــها
دا سؤال ومش محتاج جـواب
------:------:-------
معرفش ليه رخصت لك حبي
وهبت ليك روحي وكمان قلبي
إزاي شـــاورت فــي يوم عليك
تبقى الحبيب وتعـيش جنبــي
------:------:-------
عمــري ما كنت معاك كــــداب
ولا خـــاين ولا حلمــي ســراب
حلمنــــــا كان النـــــور لعنيــك
ليـــــه خليته كابوس أحـــباب
------:------:-------
صعب أحــن عليـك مـن تانـــي
شــايفك ليه كـــداب وأنانــــي
عـايش ولا ســـــائل يوم فـــيَّ
دايس فيـها علــى كل حنانــي
------:------:-------
يا خســارة الحـب اللـي كــــان
مـــآنس هـــواك أيـــــام زمــان
من يـــوم ما غيبت وسبتنــــي
حسيت مليش عنـــدك مكــان
------:------:-------
متقولـــي جـــاي بقـى تنهـــيها
جاي تفنـي قصتـي بمـــا فيــها
لـو تقـــــدر انت انا مقـــدرشي
د أثرهـا لســه ف خطــــــاويها
------:------:-------
ليــــه تطلب انهيـــها معــــــاك
وهتبعـــد وعـــاوزني انســــاك
عمـــر القلب ما ينسـى حــبيبه
مادام ارتاحت روحــــي معــاك
------:------:-------
لو راجـــــع محــتاج لحــنينـي
كنت أهديك اشواق نور عينـي
كنت افــــرش حضني بحنـــيه
وانسى آلام جـرحك يا كاويني
------:------:-------
من ديوان حرف المشاعر
بقلم الشاعر محمود فوده
تعليقات
إرسال تعليق