🌹🌹🌿🌹🌹 عندما تتحدث العامية 🌹🌹🌿🌹🌹
معلش يا شعر . ولا مؤاخذة
ليك عندي سؤال ؟
فيه ناس . فاكرين . إنك فصحى
ولازم تتقال.
والكلمة بتطلع . والمعنى
محتاج لسؤال
ناسين إن الدنيا ماليها
١٠٠ ألف . مثال
منها اللي إتعلم . وإتكلم
بلسانه . ومال
ومنها اللي . ما فيش . حتى اللقمة
وبينام . في شوال
الفصحى . جميلة . وبتكلم
بعض الأجيال
والشعر العامي . ده معلم
والمعنى . بيوصل . في الحال
والكلمة . بتوصف . أحوالنا
وفي كل مجال
والأمي . معانا . بيتكلم
ويكون . في وصال
والفن . الأدبي . وإبداعه
مليان . أشكال
وانا شاعر . عندي العامية
هي الأفعال
والشعر . مابيني . وما بينها
بالقلب . ومال
🌹🌿🌹🌿🌹🌿🌹🌿🌹🌿🌹🌿🌹
تعظيم سلام للعامية وسحر العامية
شاذلي محمد عبدالرحمن حسين
تعليقات
إرسال تعليق