ومعايا ليكم حكاية
حكاية ديك عم سلامة
ديك وشهامته في الدنيا
بترويه ريّ
ومين فينا يكون عايش؟
بدون الميّ
شاف الديب بيتسلل
وقال يا حي
عند القطيع وبيهلل
و بيقول وَىّ
فرحان الديب بغنيمة
ومالها زي
والراعي نايم وبيحلم
بيومه الجَي
يزوم الكلب بنباحه يقول
مش جي
ينادي الديك بصياحه
لأهل الحي
خاف الديب وبجِنَاحه
يطير كالضي
ما كان في ليله بيخطط
يكون لُه فريسة
من غير لَيّ
والراعي يصحى ويزغرد
ويقول الكلب في شجاعته
ماله زي
ويقوم الصبح ويظبط
لدبح الديك ويتمغط
والله حي
فرحان بقطيعه وبكلبه
ودبح اللّي وقف جنبه
وأكله نَيّ
وكان ضحية الفرحة
وفي موته يلبسوا الطرحة
ما قالش الأي
يا خُسارة شهامة وبتتداس
و لئام مواقف وبتتباس
وأه يا خي
ياما في حياتنا كتير ديوك
وعم سلامة وكلب مشكوك
ووشاية وغَيّ
ودي كانت الحكاية
حكاية ديك وسلامة
#نجوايا
بقلم د/نجوى رسلان
تعليقات
إرسال تعليق