قصيدة بالعامية المصرية" طليتي يا امه " .. بقلم الشاعرة المبدعة د. نجوى رسلان

طَلِّيتي  يا امَّه

طَلِّيتي يا امَّه من الشباك

حَسِيت دفا جَي هناك

ويّا ابتسامة

من غير مَلامة 

طمنتِ قلبي

لما دق و لحالي رق

بَص لعينيكِ

اشتاق وداب

طَليتي يا امَّه من الشباك

تطمني ضناكِ غاب

 وحاله إيه في المعيشة

إيدينا فيها الملح داب

حامدين والله كل  عيشة

ورجوعه ليكِ من غير عتاب

ينسى معاه 

جروح وأسوة 

مهما طالت

في حضن قلبك

لِيه نجاة

طلِّيتي يا امَّه من الشباك

مهما غِبتي عن عيوني

تلاقيني فاكر

ليك واقفة تطمني

وتقولي ابني  ليَّ عاد

وفي كل مرة

 أرجع إليكِ من غير معاد

لكني عارف 

سندي واقف 

يضم حزني ويقولي يا ابني

الله يزيدك قوة وزاد

مهما عمري فيَّ شاب 

أغلى دعوة منك إنتِ

وبعدها يفتح يا دنيا

كل باب

طليتي يا امه من الشباك

بقلمي د/نجوى رسلان

#نجوايا