**كبرت ياابنى**
*****
كبرت ياابنى وشعرى شاب
وايديه دابت من الشقى
وماعدتش فى عمرى غير ساعات
او سنين عدت الصوابع
وعايز منك ضحكه حلوه
وعايز منك طبطبه
وتعالى اقولك وهات معاك
حصيره واقعد معايه على المصطبه
واسمع كلامى وهاتلى ودنك
يمكن يكون
بينى وبينك اخر كلام
وانا المعلم والمدرسة
وانا طبيبك وربك
عنده دواك والشفى
وتعالى احكى ليك حكايتى
واعلمك وخد تجاربى
تنفعك لو جار عليك الزمن
وانا عايزك تكون حليم
وتكون كريم
وتكون شديد فى وقت المحن
وتشد عودك وتبقه
واقف زى الجبال
وتبقه صبور مثل الجمال
مهما عطش ومهما شال
وتكون ايديك ديما ساخيه
وتكون عطوف لأهلك وجارك
واياك تبدد ورثك ومالك
ولا تميل مع حد مايل
وخاوى ابنك هو اللى هيكون ليك السند
وحب وزوجتك
وخلى ايديها ديما فى ايدك
وعلى قبرى ادعيلى دعوه
وادعى دعوه فى صلاتك
ودى وصيه ياعمر عمرى
ويارب يسعدك فى دنيتك وفى حياتك
تعليقات
إرسال تعليق