خليك كويس للشاعر،،هانى العاملى،،
خليك كويس
عشان نفسك
جمل ضميرك
قبل رسمك
حلى ف خطك
واكتب اسمك
خلى اللى يشوف
كلام عيونك
يلمسك يحسك
اعمل لنفسك
مبداء يصونك
ومتسبش شيطان
نفسك يغشك
ابتسم لكل حاجه
ف الدنيا ديه
عشان كل حاجه
تضحك ف وشك
حافظ على ادبك
مع حبيبك
من غير م تشعر
تلاقيه يحبك
اصل الجمال
مش ف المظاهر
ولا ف تسريح
شعرك بمشطك
الجمال لما تخلى
عقلك صديقك
وقلبك وروحك
هما عشك
وجدد ديمأ حياتك
باحترامك ديمأ لنفسك
هانى العاملى،،،،
تعليقات
إرسال تعليق