* نظرة دمعة *
....................
*نظرة دمعة جوا عينيكي
بتخليني أموت جوايا
أيوا بقولها أسف ليكي
أسف أيوا ع الدمعايه
إزاي قلبي بيجرح قلبك
وإزاي بعدة يوم هيعيش
مات الحب حبيبتي لبعدك
وانا جوايا النبض يعيش
بالأحزان ويا الأوجاع
بالأيام مليانه ضياع
قلبي ازاي اختار وباع
من غير حبك تاني ماليش
*صدقت الأوهام وهجرتك
سيبت الأها تعيش جواكي
حتي ف حبك أنا كدبتك
قلت خلاص أيوا وهأنساكي
سيبت الشوك يعذب فيكي
والأيام تحضن أحزانك
ياما كتير أخدتني عينكي
تترجي أيامي علشانك
تصرخ حبه وحبه سكوت
تترجاني بعدك أموت
وأنا من جوا القلب جحود
رافض اني أعيش أيامك
*راجع ندمي سابق صوتي
والدمعايه بتجري عليكي
جايب ليكي شهادة موتي
من لحظة ما هجرت عنيكي
اسف يوم لو كنت جرحتك
قابلي دموعي بالأحسان
ازاي ارفع راسي ف وشك
أيوا بقولها أنا غلطان
راجع طالب منك عفوك
راجع أيوا بقولها بحبك
راجع عايز أعيش انا جانبك
وأتنفس وياكي أمان
#كرم ميخائيل
تعليقات
إرسال تعليق