مهيوب
*
الي عنده وطن
يضمه ويحمي
ومايعيش ذليل بالغربة
يتحسر
ع البيادر والبياره
وحارة البركة
وصيد الحباري
الحلوات..
والحلوين .
*
العشاء الاخير بمخيم
جنين
والتين بحواكير بلادي
اشكال والوان
حماضي . وبياضي .وسوادي
والزيتون ..انواع
ابو شوكة ..ومناقيري
صفيري..ودعيبلي
وخوابي الزيت مليانه
الله بارك فيها
واعطاها
سحر ..ودوا
لعشاق الارض والسما ..
وراسهم مرفوع بالعز
مابينحنى
وبيحبوا بعض بس
بالوما .
*
قالوا ياريتهم ماقالوا
وحلفوا يمين تعظيم
بعد يومين
بترجوا ع بيوتكم
امي وابوي صدقوا
وع بنت جبيل طوالي
بعدها
كل اهل الضيعة
تيتموا
*
خبز الصاج والتنور
مقمر ومحمر
وكبه نيه ترشحاوية
بلحمة معزى ابو طنوس
تندق بالجرن
بهارات مشكله
قرفه ..وقرنفل
وجوزة الطيب
للطيبين
الله يالقمة
هلي
*
تفضلوا ياهلربع
بلا طول سيره
عن أبو جلدة
وانيس ابو حميدة
ابو صباح .والقسام
ع الموجود ..
وكله من خيركم
وخير بلادكم
سمن وعسل
حب ومرجله
غابات واحراش
ع مد عينك و النظر
والديب فيها صاحي
مابينام
*
طولنا كتير
ياحبايب
في غربتنا
هدي يابحر عكا
هدي
اليوم بيوصل
محبوبي
*
الدروب
آه من الدروب
لوين بتودي
الاسى مابينتسى
والقلوب مليانه
الله عالم مافيها
والبدوي اخذ بتاره
بعد اربعين سنه
وقال استعجلت
يامهيوب
*
احمد ابو حميدة
المانيا/غوسلار
Ahmad Abo Hamida
Danziger Straße 5
Goslar
NiederSachsen
Deutschland
dd.11/ 07/2022
*
تعليقات
إرسال تعليق