((( نقطة الضعف )))
نقطة الضعف الوحيده
ف حبي ليك هي قلبي
نقطة الضعف العجيبه
ف حبي ليك أنه ذنبي
كنت فاكر حبي ليك
شئ كبير هيحسه قلبك
كان ف قلبي خوف عليك
عمري ما حسيته عندك
أنما يا خساره عندك
خلي كل الدنيا ضدك
وأبتديت أفوق و أصحي
و أبتديت أفهم دوافعك
عشت كل عمري أسامحك
م اللي شفته من عمايلك
كنت أكدب حتي نفسي
كنت أصدق بس كدبك
كنت أخاف موت عليك
للهوي يجرح مشاعرك
كنت أدوب حتي ف عينيك
و أتفتن حتي ب شعرك
كنت رافض أني أصدق
أي كلمة تخص طهرك
أو تبين زيف مشاعرك
أو توضح لي ف وضعك
و العيوب اللي ف طبعك
وأنت دايس ف عواطفك
وأنت ناكر حتي حبي
و اللي ضحيت بيه عشانك
كل ده و أكتر شويه
وأما كان قلبي يخاصمك
وف مشاعرك كان يعاتبك
وف مبادئك كان يلومك
كنت تسخر من كلامي
وأنت متشبث ب رأيك
و النهارده جاي أقولك
أن قلبي فك سحرك
وأنه رافض حتي حبك
أو مشورتك أو وصايتك
وأنه رافض حتي قربك
أو يعيش تاني جنبك
وأنه هيكمل لوحده
وأنت روح كمل لوحدك
وأنسي يوم ترجع لحضني
وأنسي يوم أرجع لحضنك
كلمات الاديب الشاعر.د/ السيد علي القن
تعليقات
إرسال تعليق