اصعب شيء وحدة النفس
لمانفسك تتوه منك
لماتلاقيش حد بيحبك بجد
جانبك يطبطب عليك
يفهمك ويقدرك
يصون ودك ويرعاك
اصعب شيء لمايضيع منك
عمرك بين أربع جدران لوحدك
قافل عليك بابك
لحد داري بيك
ولاحتي بيسأل عليك
ماتسمعش غير صوتك
مافيش نوس بجوارك وحواليك
مافيش قلب يحضن قلبك
اصعب شيء لماتقدرش
تحكي للناس همك
واد اية كان ظلمك وشدة ألمك
من ناس مديت إيديك
ليهم بكل خير وطبطبت عليهم
بكل حنية علشان دا طبعك
وعلشان تجبر بخاطرهم وترضيهم
ويكونوا هما أول من يظلموك
ويأذوك ويسكتروا حب ناس ليك
ولسه مستمرين في ظلمك
وعمرهم مانصفوك
ولاحفظوا لك جميلك
وخدوا كل ما في إيدك
وسالبوك راحة بالك
وياريت كده وبس
لسه مصرين يكملوا ظلمهم ليك
بعد مااخدوا كل حق ليك
وعمرهم ماعطوك
غير القسوة وتشوية صورتك
اللي كل ناس عارفها وبيشهدوا ليك
وبيتغزلوا في أدبك
وجمال ورقة مشاعرك
في تعاملك مع كل من حولك
اصعب شيء وحدة النفس
وقسوة من حواليك
ياااارب مايكتبها على حد منكم
ويصونكم ويحفظكم
بقلم /عاطف محمود «مصر»
تعليقات
إرسال تعليق