(((( طول عمرك طيب )))
طيب طول عمرك يابا
والله و من قلبي قريب
واعملك آيه يابا
والزاي أجازيك ياحبيب
طيب طول عمرك يابا
عايش ف الدنيا غريب
عمرك ما عملت حساب
ف الدنيا لاي نصيب
ولا يوم فكرت ف بكره
ولا شيلت لبكره حساب
طيب طول عمرك يابا
علشان من ربي قريب
مش فارقه معاك الدنيا
ف ملام أو حتي عتاب
دايما مش شاغل بالك
مين حاضر أو مين غاب
ولا فارق وياك شئ
غير طيب يا أحباب
طيب طول عمرك يابا
و حياتك للأصحاب
كل اللي شاغلهم فيك
أنك فاتح كام باب
مع أن الغدر صفاتهم
و الزيف طبع الكداب
طيب طول عمرك يابا
و ب تاخد ب الأسباب
ما فيوم فكرت ف نفسك
ب تفكر ف الأغراب
عايش بس عشان أهلك
والصحبه مع الأحباب
و تضحي بكل ما تملك
ولا تسأل يوم مين جاب
طيب طول عمرك يابا
عمرك ما تخبي جواب
عمرك ما حسبت لبكره
و لا قلت انك محتاج
والشكوي غير للمولي
ما في بينهاوبينه حجاب
و الله ب حبك يابا
و الشوق دايما غلاب
وياريت لو كنت تجيني
من غير ما تدق الباب
طيب طول عمرك يابا
و كريم ويا الأحباب
كلمات الاديب الشاعر.د/ السيد علي القن
تعليقات
إرسال تعليق