🎭🎭🎭🎭🎭🖍 سين . سؤال 🖍🎭🎭🎭🎭🎭
هو يعني الشعر لازم
يبقى كل كلامه ضاد
يعني لو قولناه ببساطة
يبقى فُجر وإنحطاط
ياخي حتى المعنى يوصل
وإللي يقرا يستفاد
أصل أبويا يا سيدي امي
كلمتينك . ليه بعاد
لما يبقى الشعر هادف
سهم جوه القلب خاطف
يوصف المعنى المراد
تفهمه كل العباد
هو دا أصل الحكاية
فوقوا من الجهل اللي زاد
واللي علم حضرتك بعد العناد
كان بياكل عيش بدقة
كان له حلم بكل رقة
إن إبنه يكون سند بإيدين شداد
والسؤال ليه ١٠٠ إجابة
والإجابة
العامي دايما في الميعاد
🎭🎭🎭🎭🎭🎭🎭🎭🎭🎭🎭🎭
عاميات
شادوليات
شاذلي محمد عبدالرحمن حسين
تعليقات
إرسال تعليق