(((( زفوا الشهيد )))))
زفوا الشهيد ع جنته
اليوم هاياخد جايزته
الله ياناس ع فرحته
الله ياناس ع زفته
الحور هناك مستنياه
وملايكة الرحمن معاه
بتحيي فيه ومحنياه
حنة وداعه م الحياه
زفوا الشهيد للخلود
ربك معاه وفي العهود
وطمنوا أمه و أبوه
ان الملايكه أستقبلوه
وكرموه و شفعوه في
اللي يحب يكون معاه
زفوا الشهيد يا خلق هوه
و واسوا أهله و كرموه
و هاتوا حقه وحق أخوه
م اللي أغتالوه هوه و أخوه
وبردوا قلب أمه ونار أبوه
هاتوالقصاص م اللي خانوه
زفوا الشهيد يا خلق هووه
دا ملايكة الرحمن نادوه
واقفين طابور يستقبلوه
و الحور معاهم طمنوه
زفوا الشهيد زفوا الشهيد
اليوم ده عيده وفرحوه
كلمات الاديب.د/ الشاعر السيد علي القن
تعليقات
إرسال تعليق