من بكير :
من بكير ع حدود المسا
عم تفرش حصيرة ملونة
مجمع عليها ورود
تخمين هالقلب انكوى وهالعمر
مشي وماعاد بدو يعود
وثاري العمر رمشة عين ورفة جفن
محدود....
هونيك تحت شجرة مزنرة
بشال الكرم
والجود
عالهدى... قديش راق الهمس
وقديش صفصفنا حكي
ووعود
مطرح ما كنا نلتقي...
مزروع زنبقة حمرا ..وعم تلعب
نسمة هوى ومحملة
ببرود...
وألحان عم تروينا...غنى
وفى أيد ... ع بترقص مثل البجع
عا لعود....
وتعمل قصيدة مزينة
بشمعات مضوية...وضحكات
ماكان إلها حدود..
قديش إلها الأيام ناطرة ليرجعو
الغياب ...وتمر سنين
بلكي بيطل
منهن حدا ...وبيخضر لون
الورق وبزهر الشجر
والعود...
منحب طلتهن ومنحب سيرتهن
عشرة عمر
من عن أبا وجدود
هونيك صار القلب يندهلن
وصار الدمع بيسيل
وبيغسل وجنات موشمة
وخدود.
وهالقلب ذبل وذوي
يمكن ماعاد بدو
يفيق....بيشرب حزن وأسى
ومن التعب
معبود
اشتقنالهم
تخمين معلقة رواحنا برواحهن
وحبل الوفى مشدود
وما عاد فينا تفل
وراح الزمان وكيف بعدهم ما أجوا
راحوا....وتفرقوا
وغاب الحلم من عيونا غاب ...
وهمسة غياب ما عاد فينا
نطيق...
وحكايا ملونةبتحب
تشرحلك
شو يلي صاير مع الحلوة
وكيف قاعدة وسهراني
ع شمع ومصابيح
معها كتاب
حامل معو حروف وقصيدة
مزينة بلبلاب...
وحروف عشفافا حكي...
بتضل ما بتزيح
هونيك ضاع القلب خلف
بواب...بين الشمس
والريح....
بقلمي :مفيدابوفياض
تعليقات
إرسال تعليق