((( قلبي بينزف آلم )))
قلبي بينزف ألم
والغصه فيه فدان
يا مين يشيل الوجع
ويطفي لي البركان
والعين بتسحل دم
والقلب ليه حيران
جوايا مليون هم
عايم علي طوفان
أعصار بيضرب نار
خايف علي الشريان
كاتم بأيدي الألم
م الناس و م الأحزان
أفتح لي باب للأمل
خليني أنام فرحان
مسكون ليلاتي بحلم
مخنوق من الشيطان
وسواس بيضرب جبل
هيكسر السندان
والفكر طاحن ضلوعي
و آه من الغليان
مسكون ياقلبي الجدع
بألوف من السكان
الكل غاوي الضياع
وكأني مش أنسان
قلبي بينزف وجع
دفيني ب الاحضان
ضميني ساعة صفا
وانسيني ف الاحزان
نفسي أفضفض معاكي
و أنسي آلامي كمان
يامن يشيل الوجع
م الدم ف الشريان
ويداوي جرح أنفتح
جوه القلب فيضان
اسمعني يوم وافتكر
جوايا أنا حرمان
والله ليك ب أعترف
بشوق رهيب وحنان
تعالي شيل الوجع
و داويني ب الأحضان
مشتاق بقالي زمن
ترجع لي زي زمان
وتعود ليالي الصفا
ب الود و الأحسان
يا مين يبلغ حبيبي
الحب قبل فوات الآوان
أنه ها يفضل حبيبي
و الحب عمره ما هان
كلمات الاديب الشاعر.د/ السيد علي القن
تعليقات
إرسال تعليق