(يوم الشهيد)..للشاعر د. علي مسلم عجمي
--------------
(يوم الشهيد) اليوم عز و افتخار
و على جبينو مرتدي إكليل غار
يوم الشهيد اللي روى تراب الوطن
بدمو و تايخلق بالشهادة إنتصار
دافعت عن أرض الوطن سر و علن
و رديت كيد المعتدي في إقتدار
تراب ال عليها نزف دمك يا شهيد
بيوم النصر عالمعتدي صار مزار
يا أرض قِرِّي و يا سما الزرقا اشهدي
بعصر الشهادة و البطولة مولدي
الوطن بدو رْجال فيها نقتدي
عا نهجها شَلِّـت أيادي المعتدي
اللي وطنها بدمها عم تفتدي
مش متل يللي بالمقاهي قاعدي
بتسقي الأرض مَيّات حلوة مبوردي
بتغل و بتحصد غـلال معددي
لما بتسقيها من الدم الندي
بينبت وطن و رجال حرّة صامدي
في زفتين على الشهيد مأكدي
عالأرض تكريم و تهاني و حامدي
و أهل الشهيد بكل عِز مناشدي
مِـنَّا شهيد و فخرنا بإسمو بِـدي
و فرحة ملايكة الجنان الخالدي
بتستقبلو بزفِّـة عريس و زغردي
فقدناك ما فقدناك يا روح اسعدي
قصدي شهيد الوطن هذا مقصدي
ما مِـت بعدك متل زهرة موردي
و ما انتهى عمرك يا حبيب الوالدي
عمر الشهيد ما بينتهي يوم المماة
بالعكس عمرو يوم موتو بيبتدي
الشاعر… د.علي مسلم عجمي
لبنان
تعليقات
إرسال تعليق