عيش وملح
عيش وملح وليل و صبح
نور الفرح وظلمة جرح
رغد العيشة وكرسي يهز
ناس بالكوم وقت العز
ضاق الحال كرسي اتهز
قالوا سلام ما كان يتعز
عيش وملح وجدر وريش
يوم فيها عايق يوم درويش
مهما الجذع اتهز في أرضه
عمر السوس ما يطول خده
عيش وملح ووقفة بجد
مين كان حافظ لينا العهد؟
عيش وملح وشاي كوباية
بينا مشاركت جرح أساية
لقمة وهدمة وستر أمان
مين للعشرة ما كان خوان؟
عيش وملح وكام مرجيحة
فيها الضحكة لشوق وصبيحة
وقت ألمهم قالوا نتقاسم
لما الفرحة زارت يومهم
فرشوا الشال بينهم واصل
دمع الشدة كان بيراسل
رشوا الملح فوق خطاويهم
باسوا تراب الخير في عنيهم
عيش وملح وموجة تصيح
عيش وملح علامه صريح
وإيه راح يبقى منه صحيح
بعد ما ننسى العيش والملح؟
ونقول طاروا ويَّا الريح
بعد ما صار الملح جريح
وعيش وملح
بقلمي:د/نجوى رسلان
#نجوايا
تعليقات
إرسال تعليق