بحبك
وعمرى
ماهسيبك
وابيع الدنيا
كلها واجيلك
وانا كمان يا قلبي
بوهبلك حبي
وروحي وعقلي
تناديلك...
ويقعدوا
يحبوا
في بعض
وقال ايه
خايفين
من البعد
ومفيش
منهم حد
عنده استعداد
أنه حتي يفكر
ايه اللي حيصل بعد
لحد
أما يتجوزا
وفي بعض يلزقوا
ويبان كل
واحد علي
الحقيقه
مهما مع
بعض
دقيقه
بدقيقه
وتتساقط
الاقنعه
وتبقي كل
حاجه ممكنه
ويهرب الحب
وتبتدي الحرب
وتبدأ تظهر
العيوب
ازاي يا ستي
مش من حبه
هو دا كان العشق والمحبوب
تقلك اتخدعت
فيه
وكنت فاكره
اني غاليه عليه
بس طلع ميستهلش
طاب وانت
يا سي روميو
مالك
يقلك
كان يوم
اسود يوم
ماعرفتها
وياريتني
ما شوفتها
وياريت اخلص
منها
......
مش هو دا
اللي بيحصل
ولا انا تفكيري اهبل
وبسرعه
الريح يطلقوا
ويهدوا بيتهم
باديهم ويتفرقوا
راح فين الحب بينهم
مات ولا هرب
ولا طلع عينهم
ولا كان مدارى
علي عيوبهم
يعني يا ست البنات
مفيش مره
وانتي مخطوبه
حسيتي أنه
بخيل في مشاعره
ولا اناني ولا كداب
قبل ما توصلي
معاه للعيشه
اللي بتقولي
عليها هباب
وانت يا عم روميو
مخدتش بالك
مره انها مدلعه
وأنها انانيه
ونرجسيه
ومتشخلعه
لا يا هانم
انتى والبيه
خدتوا بالكم
وعملتم هبل
وقولتوا
اهي جوازه والسلام
والنبي دا اسمه كلام
وأدى النتيجه
في امتحان
الحب والزيجه
لم ينجح احد
.....بقلمي
علي يوسف ابو بيجاد
تعليقات
إرسال تعليق