علشان حبها
**********
يبيع الدنيا
علشانها
يقطف من السما
نجومها
وبأجمل عقد
زينها
اتارى الحب دا حكايه
والف قصه و روايه
يشوف الحب فى عينيها
يموت من خوفه عليها
وألف آه من قلبه
لو قالت آه
علشان حبها
بيزرع ورد فى كلامه
بعطر الحب
ويعد الخطوه علشانها
بنبض القلب
وآه لو غابت يوم عنه
قلبه وعقله
يتخاصموا
يقولوا من فينا
زعلها
ويفضل طول الليل
سهران
يعاتب نفسه
علشانها
اصله مشتاق لعيونها
وخط الرمش على جفونها
هلال أسود
تلقاه الصبح نور عاكس
جمال الكون
اميرة القلب
علشان حبها
فلتحيا
وليحيا الحب
بقلمى
عبير محمد
تعليقات
إرسال تعليق