اكتب يا قلم ... بقلم الشاعرة المبدعة ابتسام عوض

اكتب ياقلم وقول

وزلزل بالحبر أوجاعك

مفيش كلام من غير اصول

ولا فيه طريق لأحلامك

اكتب يا قلم عمري

ونسينى الم همى

وان قلت نحلم 

مش حاقول

اكتب يا قلم وارتاح

بياض ورقك ده كله براح

يقول حاحكى ومش مسؤل

عن الماضى وعن الحاضر

عن الهمسة وعن الخاطر

وسيف مشهور

بيقتل حلم جوانا

يعدى بحور

وقلمي ياما علمنى

أكون فاعل ومش مفعول

سامحنى واوعى تعاتبني

ده خوفى بعثر الحكايات

وقالى خلاص بيحاسبنى

كلامى سكات

بقلمى ابتسام عوض