كام آهه
آه وكام آه اقولها تجرحنى
على عمرى إللى ماعشته
ولا الفرح إللى ماشفته
على الزمان إللى مافهمته
على الناس إللى خانتنى
على الدنيا ودتنى وجابتنى
على الإنسانه إللى حبيتنى
على الحبيبه إللى حستنى
على الضحكه إللى نسيتنى
على أحلامى إللى سابتنى
على صرخة طفل بيتألم
على قلبى إللى ما إتعلم
على إيد تتمد وتسلم
على لسانى إللى ما إتكلم
على جروحى إللى مابتلم
على شيلى لوحدى الهم
يا أه ولسه ماتعبتى
صحاب سابونا ف السكه
وصحاب نيتهم مهيش سالكه
وصحاب طلعو ياناس سكه
دنيتنا علينا ضاقت
وكل أحلامنا مننا ضاعت
والفرحه ف الدروب تاهت
تعبنا وسهرنا طول الليل
ودموعنا نزلت م العيون سيل
والقلب مكوي جراح وعليل
ولا حبيب ولا كان لينا خليل
يا أهه وطالعه منا مدبوحه
وجراح القلب فينا مفتوحه
وشهاده وطالعه مجروحه
يارب لينا أمور يسرها
وعلينا يارب تسترها
والسكه لينا سهلها
الشاعر/عزالدين جبريل
تعليقات
إرسال تعليق