،،،،العدل فين يامحكمة،،،،
@@@@@@@@@
العدل فين يامحكمة
الحكم إتباع ومال
وانا اللي طول عمري دوغري
ورزقي حلال
عفوية وفي قلبي طيبة
متخطرش علي بال
لكني في زمن غير زمني
إتبدل فيه الحال
ميزان الحق يحيد لأجل جاه أو مال
ويرفعوا الباطل ..والحق ينداس بنعال
أبداً ما راعوا حق الواحد المتعال
حتي في الكلام ...للباطل فتحوا مجال
وله هللوا وصفقوا وغنوا له مئة موال
أصل المال له سحره ..ولأجله الحق مال !!!!!
،،،،العدل فين يامحكمة،،،،
في الجلسة الكل خاااان
حتي حليفنا باعنا وجر رجلنا وخان
وفي حقنا كان اعمي..واللي إتقال علينا إتقال
وفي نهاية الجلسة .....كان حكمهم بطال
طعنوني بحكمهم....ورموني بالسهااام
ما راعوا حقي عليهم...ومن دمي شربوا كمان
وبعد كل ده بيوجهوا لي إتهاااام
بأني مش ربنا ...هحاسبه كمان وكمان
وأنا اللي النصر كان حليفي ..لكنه ولي ومال
،،،،العدل فين يامحكمة،،،،،
ليه ياجلسة الظلم أغلقتم الأذنان
ونصرتم الباطل بأبخس الأثمان
ازاي تعيشوا وتضحكوا وانتوا ظالمين إنسان
حسبي الله فيكم ..وفي كل جبااار
شكواي لك وحدك....ياواحد يامتعال
يااارب إقتص لي منهم ...وعوضني يارحمن
دا مهما الظلم طال....لابد من نهار !!!!!
"بقلم/ مها بركات"
تعليقات
إرسال تعليق