شكوى بين صديقين
Abed Alnsrawy & Lewis Yonan
( باللهجة العراقية )
يا صاحبي
مرْ العمر
وما بقى منه غير يومين
ومرنْ على حلوات
وحدة … وحدة ….
مو إثنين
الحگني اخوك انا
باگوا مني الضلعين
معلمتين ….
وحدة تدرس ال yes وال No
والثانية تكتب شعر
ذاب من حروفها
حتى الثور ابو جناحين
يا صاحبي
مثل الطفل انا
وأغني
عيوني اثنين
وكل وحدة تستاهل عين
ومر ْ العمر
وصار الي هلالين
بس شلون الحب
اقسمه على اثنين
وصيتي الك
لو متت
أحفر الي گبرين
وأكتب عليه
( هنا يرقد لويس يونان )
عشگ أثنين أثنين
……….
يا صاحبي
حيرة الي يحب اثنين
حيرة وهم
تجر الف حيرة
وحدة الي احبها
وهي صغيرة
كبرنا ……
والعشگ سد النا ابواب
باب الخوف
لو باب العشيرة
لكن …..
ما تغير بينا الحال
عناد !!!!!!
ويالگلب ياهو اليريده
عسى عمرك طويل
وتبقى للدوم
وتبقى عيونك اسيرة
يا صاحبي
يمكن يومي گبلك يكون
عاد أنت أتكفل
بالاصيرة
اكتب على كبري
مات محروم من عشگه
بسبب هاي العشيرة
عبيد النصراوي 
تعليقات
إرسال تعليق