* أنا الساكن *
..................
أنا الساكن في مر الليل
وأنا العايش في أحزاني
وأنا الصابر زمان وسنين
علي الغالي يعود تاني
وأنا إللي جرحي من جوا
بتملاه السنين بدموع
ومستني يعود هوا
وخايف أكون فيه المخدوع
وبتعكز علي جرحي
لحد ما يجي حبيب الروح
وبتألم وأعيش وجعي
وموجوعه عشاني الروح
وحاضن حلمي جوايا
وخايف أكون بعيش الأوهام
ويوم عن يوم يزيد وجعي
أصببر نفسي من تاني
وأقولها بكرة هايجيني
أكيد راجع في يوم تاني
وبإيده يشق أحزاني
ويفتح زنزان الأهات
يخررج منها دمعايه
ويزرع ضحكه جوايا
ويبدر فرح كان مات
وأبص لنفسي وأتبسم
وأقولها بكره لحبيبي
هأشوفه خلاص ويتقسم
الفرح الجاي علي سنيني
وبرجع تاني وأتغرب
وجوا الحزن ليه بهرب
ويسرق فكري ضحكايتي
ويملي القلب بالحيرة
وأقوله يا فكر إنساني
بلاش دمعه كدا وحيرة
وحبه بحبه بلقاني
لحضني راجعه أحزاني
وأسك الباب علي وجعي
وأعيش الليل من تاني
#كرم ميخائيل
تعليقات
إرسال تعليق