نداهة الدنيا
*****
أُوعَي نداهة الدنيا تندهلك
وتنسيك أحلي ما فيك
وتلهيك عن ناسك
عن ...........أهلك
ولا فاكر كرسيك هايدوم؟؟؟
اصحي يا صاحبي
صحي........... النوم
كل واحد فينا له يوم
و لا في شئ بيها بيدوم
اوصل رحمك زود رزق
دا وعد وعدك بيه ربك
الفتاح ..الحي ..القيوم
رزقك دا ...شئ متقدر
اسعي بس قد ما تقدر
حِب وعيش اوعي تفكر
عمرك عداد عمال يجري
ولا يوم عدا تاني بيرجع
صلي ............ وادعي
اسجد .............واركع
تَقِل حبة ميزان حسناتك
حَلي يلا مُر....... حياتك
قبل ما العمر ياصاحبي يعدي
وتلاقي روحك بس لوحدك
الحق نفسك بسرعة وفوق
كفنك والله ما له جيوب
راجع روحك يلا وتوب
قبل ما الدنيا تندهلك
وتنسيك ........ناسك
وتنسيك .......أهلك
كرسيك فَانِي صح النوم
ولا في شئ بيها..بيدوم
بقلمي/مي ابراهيم القاضي
تعليقات
إرسال تعليق