..... من قلة الإحساس .....
يا حتة ياصغيرة ..
مقطوعة من جسمي
مليانة فوق الحد والطاقة
بنايات ومخيمات
وخلق مخنوقة
منين ما تمشي تدوس عَ ناس
وهِيَه بتدوسَك
غصب
من ضيقَة ..
مش من قلة الإحساس
والرمل عطشان
وشَرقان
من دم خيرِتهُم
والشمس فوقه حزينه تتألم
والبحر مِتغاظ
من قلة الصيد الممنوع
ومن كثرة اللي هو بيصيدهُم,
طبع البحر والموج
مش عن قصد أو نِيَّة
يا بلاد يا مليانة أسى ..
والخلق فرَّقها الَلوَع
والفكر من غير ترتيب ..
فَوَّتهُم بين الدهاليز
دهاليز الكبار
جاروا على بعضهم
والكل عليهم جار
يا قلوب هامِت
يا عيون غامڤِت
يا عقول تاهِت
ورا كل لون ولون
يا أهلِ كم جارت
والإبن من جور الأهل هَربان
يا يوصل بلاد الغُربة ويعافِر
يا يموت في البحر
ولّا بِغابِة النِسيان
يا بلاد حزينة ومتستِفَه ..
يا إيدين يا مِتكَتِفَه
يا قلوب مِتخَوِّفَة ..
والغُلبِ غَطّا وذَلّ ..
واللي اتحَكِّموا فيكِ، وفيهُم ..
زادت بَلاويهم
نِسيوا الأصلِ و رباط الدم
وان العَدو بيضرَب مِ السَما ..
لا بيفرَق ولا بيِهتَم
إمتى تفيقوا مِ التوهَة..
والشَمل من تاني يِتلَم
والحصار اللي جواكم يزول
بالحُب واللمَّة
ويكسَر وراه ..
حصار الخَصم ..؟؟!!
نهــــى عمـــــر
كتبتها عن غزة بشكل خاص
وعن فلسطين كجزء مقطوع تحت الاحتلال من الوطن العربي أو ما كان هكذا بشكل عام، من زمان كتبتها وكنت فكرتها ضاعت والآن وجدتها وحبيت أنشرها حتى تقرأوها أصدقاء وصديقات والجميع مع محبتي
أرجو أن تروق لكم أحبائي
وسامحوني عاللهجه المصرية أو اللي بينَ بين .. محبتي وتقديري للجميع 
تعليقات
إرسال تعليق