كان يا ماكان
كان فى وردة وسط ورود فى البستان
عن ملامحها
إرسم قلب وقُول إنسان
عن أحلامها
إكتب حُب وقول يا زمان
تُحضن بسمة تِملى عيونها ولو تَعبان
تعرف ترسم نبضة قلب أخضر كان أو بهتان
إحساس يسبق يفرش ضل ونور بيبان
وكان ياما كان كان فى وردة وسط ورود فى البستان
ترمي حمولها تسجد سجدة للرحمن
خير الغير ليها أمان
عمر الحقد ما كان له مكان
هز جذورها ريح غضبان
جت تتحامى فى غصن مجاور
هز جذورها وقال بيحاور
جدلت خوفها فى ضل الشمس
رسمت طُوقها لبكرة وأمس
لا النور طبطب قلب الخوف
ولا كان يوم جَه ملهوف
إمتى جذور القرب تحس !!
إمتى بذور الأرض تشوف !!
وكان يا ما كان كان فى وردة وسط ورود فى البستان
والعصفور جناح مكسور
كسر الصورة زجاج بنور
قامت الوردة وشدت حيلها
حضنت خيرها ، ودموع قلب يبات مجروح
باب السما دايما مفتوح
قالواالوردة دبلت لكن
نبض الخير جواها يفوح
وباب السما دايما مفتوح
وكان يا ما كان ، كان فى وردة وسط ورود فى البستان
كان ليها قلب عمره يحب
صوت الكره منها جبان
سمعت صوت جي بعيد
قال يوعدها بيوم العيد
كبرت وردة وسط النور
حلمت تخرج بره السور
تبني العش مع العصفور
دبلت وردة ولسه بتحلم
مال الغصن ووقع السور
وكان يا مكان كان فى وردة وسط ورود فى البستان
ترمى حمولها وتسجد سجدة للرحمن
وكان يا ماكان
كان ليها قلب عمره يحب
صوت الكره مِنُّه جبان
سمعت صوت جى بعيد
قال يوعدها بيوم العيد
كبرت وردة وسط النور
حلمت تخرج بره السور
تبني العش مع العصفور
كبرت وردة ولسه بتحلم
وقع الغصن ومال السور
والعصفور وجناح مكسور
كسر الصورة زجاج بنور
اما الوردة شدت حيلها
حضنت خيرها
ودموع قلب يبات مجروح
وكان يا ما كان بقلم د/ نجوى رسلان
تعليقات
إرسال تعليق