دماء على القضبان
*************
الدم سايح ع القضيب
وكل مرة نهز راسنا
نقول نصيب
كام مرة تبلع الغلط
يا شعب بيحب الظلط
وعشان الرغيف
كام مرة وقعت
من الرصيف تحت
العجل
وترجع تمصمص
في الشفايف
وتقول متسجعلوش في
الحكم الموضوع ده كان
أجل
بطل مصميص
يا شعب من دون الشعوب
دمك رخيص
ابكي يا شعب
مولود للبكا والهنبكة
وكل يوم مع الموت
ليك حكاية
وشغلتك كل يوم
تسأل قد إيه عدد
الضحايا
لحد إمتى هنفضل
نقاسي
وتعدي من فوقنا
المآسي
ونسامح اللي داسنا
بالمداس
واللي هد بيتنا
وأساسنا فوق
الراس
مصر يا أرض
الحضارة
إيه العبارة
إتهد من فوق راس
ولادك كام عمارة
من الحرايق مش
مرحومين
في العبارة غرقانين
وعمرنا ما عرفنا مين
مين اللي استرخص
دمنا
وقام يسرق عمرنا
مين اللي عشان
الفلوس
داس ع النفوس
منهار واتهد بنياني
طوبة طوبة
علشان شايف مصر
من على الطريق الصح
مقلوبة
دياب محمود حسن
تعليقات
إرسال تعليق