* خايف ليه..؟!*
..................
*خايف ليه...؟!
وتخاف من إيه
وأنا يا روحي
الروح عشقاك
دا العمر إبتدى
من يوم حبك
والشوق بدى
من يوم رؤياك
مختار إني
أحبك أنت
مختار إني
أعيش لهواك
والعصافير أهي
جايه تقولك
تطلع شمسي
أه برؤياك
*حتي نجوم
السما فرحانه
من فرحتها
جايه معانا
بتنور أحلامي
أنا وأنت
وبترقص أه
جوا سمانا
*والقمرة
في عيونها كلام
شوف باصلنا
إزاي سرحانه
وبتحكي قصتنا
كمان
للنجمه إللي
فينا حيرانا
مش عارفه
مين فينا الأكتر
بيدوب في التاني
يا حبيبي
مش قادرة
تمشي وترووح
فرحانه بالشوق جوانا
*بص وشوف
الورد كمان
دا بيتحاكى
وبيتكلم
وبيحكي
لباقي البستان
عن حكايات
قالبين دايبين
عاشقين في سنين
والناس تايهين
مش عارفين
مين فينا
العاشق
ومين معشوق
ومين فينا داب
من الحنين
دا الناس تايهه
في الحب
يا روحي
ومش فاهمين
إن الروح
دايبه جوا هوانا
إن حبنا
دا ما لوهش مثيل
*يبقي تخاف
إزاي وانا جانبك
وأنا جوا
العشق أسير
ياللي الشوق
في عيوني
ندهلك
ياللي القلب
إختار وسمحلك
إنك تملك
كل منايا
أنا يا حبيبي
إللي أخاف إنك
تبعد عني
مرة وتهجر
وتموتني
لو قالو عنك
مش هتعيش
الحب معايا
#كرم ميخائيل
تعليقات
إرسال تعليق