قطار الصعيد
__________________
يادموع بتنزف دم
علي القضبان
لساك ياقطر الهموم
شايلنا احزان
لحد أمته ياقطر
في الآلام هنعيش
بالراحه ياقطر علينا
وحياة ابوك بشويش
ركبوك ولادي بدري
للالاه قاصدين
لأجل يسعد حياتهم
وكانوا ع الشقا ناويين
باب السعاده بدا ليهم
هناك مفتوح
ليه بس آسي عليهم
والفرح مش مسموح
ياقطر الهموم قلنا
الضمير راح فين
ناس منعمين في المكيف
وناس حياتهم طين
يتمت ياقطر ولاد
للحلم كانوا عايشين
لا الحلم هيحققوه
ولا من الهموم ناجين
متقول ياقطر الهموم
احنا نحاسب مين
احنا بحكم الالاه
طبعا اكيد راضين
ياخلق راعوا ضميركم
هتروحوا منه فين
متقصروش في عملكم
خلوا حداكم دين
_____________________
شعر الاستاذ /طلعت مجاهد
ج مصر العربيه أجا دقهليه
_____________________
تعليقات
إرسال تعليق