أستغاثة
أخبي أنا شوقي جوايا
وأضحك على قلبي وأذمه
وأقول يارب اكفيني
من غدر الحب ونار سمه
بكذب على قلبي وأنا عارف
شريان العشق نبضه و دمه
عايش للحب وأحلامه
ولحضن يسيعه ويضمه
و القلب مسخوط لسه صغير
مشتاق لحنان حجره وأمه
دايما الحب وكلامه
مافيش سيرة غيرها على فمه
كأن الحب هو حياته
ولا حاجة في الدنيا تهمه
يشكيلي تملي بأوجاعه
وعايزني لوحدي أشيل همه
ملعون القلب واوجاعه
ماحد يحوشه عني يلمه
بقلمي يحيى حسين القاهرة 28 نوفمبر 2020
تعليقات
إرسال تعليق