نص بعنوان أزمه فرح (256)............................ للشاعر صبري رسلان

أزمه فرح  (256)

............................

فرشوا الشوار 

في قيراط فضا  

حنوا  فى كفوف 

فرح  و  رضا

سعد الوداد جالنا وندا 

علوا الجواب عد إبتدا 

عدت  شهور 

ولا  جاه الحفيد  

قالوا من الحكاوي 

نعيد نزيد   ..

قالوا اللي قالوا 

الأرض  بور  ..

بان ليل  هناها  إنكشف 

ولا فيهش نور  ..  

لفت سكك على كل دور

لأجل الخلف 

والأرض  بور 

جاه يوم وطلت شمسها 

والأرض عافيه في عزها

والعيب ما  كنش منها 

قلبوا الحقايق بدلوا  ..

عودنا وسليم 

عابوا أرضها  ..

حطوا النقط فوق 

جسر خوف  .. 

لموا وداروا زرعته 

يادي الكسوف  ..

ردوها  لبيت أهلها 

ولا عاد يفيدنا ودها 

هتعيش حياتها معلقه

تمسك لسانها وردها 

تبصم والعيب ده منها

وتصون راجلها وعزها

ودي أرض بور

مات طرحها ..  

ملهاش تقول مال سبعها

ومصممين العيب منها  

بقلم .. صبري رسلان