صباح الخير يا بلادي ... للشاعر السيد بهجت الشريفي

صباح الخير

علي بلادي اللي كيداهم
وزرعه الغل ف قلوبهم
علي بلادي اللى كوياهم
وبتظهر لينا ف عيوبهم
صباح الخير

صباحك فل يابلدي ياست الحسن
صباحك فل يابلدي ياأجمل غصن
    صباح نادي علي عيونك
   ياسمره والسمار لونك وقلبك حضن

صباح الخير ياأمي وتاج راسي
صباح الخير يا مالكه كل احساسي
صباح الخير علي اهلي على ناسي
علي أرضك علي طينك
علي زرعك علي نيلك
علي عصافيرك الطايره
        بصبح برده موش ناسي

صباح الخير علي جنودك
صباح الخير علي حدودك
بحب البوسه ف خدودك
ولو لحظه طلبتيني عشان أزرع
اجيلك وعل الكتاف فأسي

صباح الخير

صباح الخير علي اجمل بلاد الكون
صباح الخير علي مصر ام احلا عيون
صباح الخير من عاشق وقلبه حنون
أضحي ليكي بحياتي
لانك امي وحياتي.   عشانك كل شئ بيهون

صباح الخير
 علي بلادي اللي كيداهم
  وزرعه الغل ف قلوبهم
  علي بلادي اللي كوياهم
  وبتظهر لينا ف عيوبهم
صباح الخير.     صباح الخير.يابلادي

بقلمي /السيد بهجت الشريفي