✍️محمود فوده
ملهم بيك
أنا الغرقان فى بحر عنيك
لما اسهر فى ليلــي اناديك
هقـــولك ليـــه بفكــر فيك
وشاغل بالي ليـــل ونهــار
--------★--------
فى أول يوم عرفت الحب
كـأن القلب لســـه مـا حب
لقيت صوتك يشـــد القلب
بنبــــره كلهـــا أســــــــــرار
--------★---------
بيشكي من الهمـــوم وحده
لقيت قلبـــه مفيش بعـــده
قـــــولت لقلبــي ما تواعـده
خُـــد فــى الحب مره قــرار
---------★---------
بدأت أحكيــــله عـــن قلبـي
كـأنه قــريب واقف جنبـــي
لقيتـــه فـــى وقتـــها حبــي
ملك قلبـي بــدون أفكـــــــار
---------★---------
أنـــــا الــولــهان ودايب فيك
بحبـــك لأ وبحلــــــــــم بيـك
نجــــم الليــل سألنـــي عليك
قمــــرنا فيـــن سمــانا مـــدار
---------★----------
هـــويتك والنجـــوم عشــقاك
بنــــورك فــــى السما حسداك
يقـــولوا اشمعنا قلبـــي معـاك
وسايب غيـــــــره ليـــه منهار
---------★---------
يا عــاشق فـــى الهوا روحـي
وحبــك كــان دوا جــروحــي
يا مالك قلبــي بصـــروحــــي
من غيـــــر فكر ولا أعــــــذار
--------★--------
وليــــه بنـــاديك فى أحلامـي
تشـــارك ليلـــي فــى منـــامى
فـى بُعــــدك قــولت أيـــامـــي
نهـــارها عــذابــي ليـــلها مرار
--------★---------
أنا المحتـــاج لقــــربك يــــوم
يزيح عني الهمــــوم بالكــــوم
فلو نظــــرة عنيـــك دي تدوم
هتسري من الحنــــان أنــهـــار
---------★---------
بقلم /محمود فوده
من ديوان غاب القمر
تعليقات
إرسال تعليق