ليلاتي بموت بالعامية المصرية للشاعر السيد على القن

(((  ليلاتي بأموت)))

بتوحشني طب اعمل ايه
بتوحشني  اوي  كد  ليه
لا أنا عارف اخبي عليك
ولا   عارف.  اقولك  ايه
حاجات  ياما   جوايه
ومش عارف اقولها الزاي
وانا خايف  ماتسمعنيش
تخاصم  قلبي ماتفهمنيش
وانا قلبي بيوجعني
ومشغول بيك 
ولسه انت ماحستنيش
اقولك ايه   هاتفهمني
أقولك ايه  هاتسمعني
اكيد لسه ماحستنيش
ومش عارف اقولك ايه
ما يمكن تاني توجعني
مايمكن تاني تجرحني
ترجعني أعيش محروم
وانا والله   مشتاق لك
و بحلف لك بحبك موت
 وخايف والله  اقولها لك
تسيبني اموت
ياريت تفهم
وتعرف اني من غيرك
ليلاتي باموت
ماتحرمنيش  بقي منك
انا بأرجوك
و لو  ليا    خاطر   عندك
يا تحييني بقي ف  قربك
ياأما هاأموت انا ف حبك

كلمات الشاعر/السيد علي  القن